លង់ក្នុងភាពស្រមើស្រម៉ៃ

តើអ្នកជឿទេថា មនុស្សម្នាក់អាចរស់នៅក្នុងភាពស្រមើស្រម៉ៃរបស់ខ្លួន ឯងបានដែរឬទេ? មិនតែប៉ុណ្ណោះ តើអ្នកជឿទេថា មនុស្សម្នាក់អាចលង់ក្នុងភាពស្រមើស្រម៉ៃរបស់ខ្លួនឯងអស់ពេលជាច្រើនឆ្នាំដែរឬទេ? តើអ្នកជឿថាមនុស្សអាចបញ្ចុះបញ្ចូលឲ្យមនុស្សដទៃនៅជុំវិញខ្លួនជឿទៅលើអ្វីដែលមនុស្សម្នាក់នោះបានស្រមើស្រម៉ៃដែរឬទេ? ចំពោះខ្ញុំវិញ ខ្ញុំគិតថានេះជារឿងមួយដែលអាចកើតឡើងបាន។ អតីតកាល និងបទពិសោធន៍របស់មនុស្សម្នាក់ជាបច្ច័យញាំងឲ្យមនុស្សម្នាក់ព្យាយាមបង្កើតនូវការស្រមើស្រម៉ៃផ្សេងៗ ដើម្បីអាចរំដោះខ្លួនឯងឲ្យចាកផុតអំពីបញ្ហាដែលខ្លួនធ្លាប់ជួបប្រទះកន្លងមក។

មនុស្សខ្លះកុហកមិត្តភក្តិខ្លួនឯងដោយប្រាប់មិត្តភកិ្តទាំងអស់នោះថា ខ្លួនឯងកំពុងមានស្នេហា ដូចជានិយាយប្រាប់មិត្តភក្តិខ្លួនឯងថាគូស្នេហ៍របស់ខ្លួនចូលចិត្តរបស់នេះរបស់នោះ មិនចូលចិត្តរបស់នេះរបស់នោះ ធ្វើការនៅទីនេះទីនោះ ធ្លាប់ទៅដើរលេងនៅកន្លែងនេះកន្លែងនោះ ចូលចិត្តញាំម្ហូបនេះម្ហូបនោះ មិនចូលចិត្តងងឹត រូបរាងគួរឲ្យស្រឡាញ់ ជាដើម។ តាមពិតទៅ អ្វីដែលមនុស្សម្នាក់លើកឡើងគឺជារឿងអតីតកាលមួយដែលមនុស្សម្នាក់នោះអាចមិនចង់បំភ្លេច ឬមិនចង់ឲ្យកើតឡើង។ អ្វីដែលអាចសន្និដ្ឋានបានគឺ មនុស្សម្នាក់នោះអាចនឹងមិនទាន់កាត់ចិត្តអំពីអ្វីដែលបានបាត់បង់ ឬមិនអាចទទួលស្គាល់នូវអ្វីដែលបានកើតឡើង។ សេចក្តីសន្និដ្ឋានមួយទៀតអាចមកពីមនុស្សម្នាក់នោះមានអារម្មណ៍ខ្មាស់អៀនមិត្តខ្លួនឯង ដោយសារតែមនុស្សម្នាក់នោះមិនធ្លាប់មានស្នេហា ឬសង្សារដូចមិត្តភក្តិរបស់ខ្លួន។ ការកហុកខ្លួនឯងអាចធ្វើឲ្យមនុស្សម្នាក់កាន់តែលង់ជ្រៅពីមួយថ្ងៃទៅមួយថ្ងៃប្រសិនបើមនុស្សម្នាក់នោះមិនព្រមត្រឡប់មករស់នៅក្នុងបច្ចុប្បន្នកាលវិញ។ កាន់តែធ្ងន់ធ្ងរនោះ មនុស្សម្នាក់អាចធ្វើអ្វីៗឲ្យខ្លួនឯង ប៉ុន្តែប្រាប់មិត្តភក្តិរបស់ខ្លួនថា គូស្នេហ៍របស់ខ្លួនជាអ្នកធ្វើឲ្យ ដូចជាទិញចិញ្ចៀនឲ្យខ្លួនឯង ជាដើម។ ទង្វើបែបនេះអាចបណ្តាលមកពីកត្តាសង្គមជាអ្នកបង្កឡើង ពោលគឺប្រសិនបើសង្គមមួយឲ្យតម្លៃទៅលើភាពស៊ីវិល័យ និងភាពហុឺហារ។ នៅពេលដែលពេលវេលាដើរទៅមុខយូរទៅ ការកុហករបស់មនុស្សម្នាក់នោះទៅលើមិត្តភក្តិរបស់ខ្លួនកាន់តែច្រើនឡើងៗដែលអាចនឹងធ្វើឲ្យមនុស្សម្នាក់នោះមិនអាចដកខ្លួនឲ្យផុតអំពីទង្វើកុហក បើទោះបីជាការកុហកនោះមិនបានធ្វើឲ្យប៉ះពាល់ដល់មិត្តភិក្តរបស់ខ្លួនក៏ដោយ។

កត្តាសង្គម មិត្តភកិ្ត និងគ្រួសារអាចជាបញ្ហាដែលធ្វើឲ្យមនុស្សម្នាក់មានសម្ពាធ។ នៅពេលដែលមានសម្ពាធ មនុស្សម្នាក់ៗនឹងព្យាយាមធ្វើអ្វីមួយ ដើម្បីកាត់បន្ថយសម្ពាធ ប៉ុន្តែមធ្យោបាយនៃការកាត់បន្ថយសម្ពាធអាចជះលទ្ធផលមិនល្អដល់បុគ្គលនោះ ប្រសិនបើមធ្យោបាយដែលបានជ្រើសរើសនោះមិនត្រឹមត្រូវ។

សូមកុំឲ្យសង្គម មិត្តភក្តិ និងគ្រួសារក្លាចជាសម្ពាធមកលើរូបអ្នក! សូមដោះស្រាយបញ្ហាដោយការពិចារណា!

Another story….

"If you were a liar when you were a child, does that mean you'll be a liar for the rest of your life? I was such a liar when I was a kid. I lied openly, all the time. I used to tell my classmates that I had a father, when in reality my father was dead."
"Children always lie. When you're a kid, lying is like a game. Sometimes we lie to avoid suffering or to avoid hurting someone else."